-->

Archivo de Noticias del 24 de Mayo de 2007

Biarritzek auzo berria izanen du gaur egungo Udal Zentro Industrialaren eremuan

Notici enviada por Errota Zaharra el 24 de Mayo de 2007

GARA.

Biarritzeko Herriko Etxeak Udal Zentro Industriala tokiz aldatuko du eta libre geldituko diren hiru hektareetan auzo berri bat sortuko du. Udalak EEPrekin hitzarmena sinatuko du. Biarritz Bestelakoa udal taldeak EH Bairentzat eskatu du botoa hauteskundeetan.

Biarritz Bestelakoa udal talde abertzaleak atzo prentsaurrekoa eman zuen Herriko Etxean boterean dagoen koalizioan daudenetik egin lanaren bilana aurkezteko eta etorkizunean eramango diren zenbait egitasmo ere ezagutzera emateko. Hirigintza arduradun eta Biarritz Bestelakoa taldeko kide Jakes Abeberryk 2008an egiten hasiko den hiriko auzo berriaren egitasmoa aurkeztu zuen.

Itsasoa, autobidea, aireportua eta espazio naturalek mugatua, hazkunde urbanistiko oso txikia du Biarritzek. Horregatik eraikitzeko aproposa den ingurua lortzeko Herriko Etxeak Udal Zentro Industriala tokiz aldatzea erabaki du. Industrialdea etxeak eraiki ezin daitezken aireportuaren ondoko zona batean kokatuko da eta libre geldituko diren hiru hektareetan 309 etxebizitza eraikiko dituzte.

(more…)